செருப்புதான் வறுமைக்கு காரணமாம்!

சூரியனால் கூட, வெப்பநிலைக்கு வரைவிலக்கணம் சொல்ல முடியாத, குளிர்நிலை கொண்ட காலைப் பொழுதொன்றில் நான் வீட்டைவிட்டு ஒரு விடயமாக வெளியேறுகிறேன். பனி என்மீது தொடுத்த யுத்தத்திற்கு நான் கொண்டிருந்த கேடயமெல்லாமே என் உடைகள் தான். உடைகளைப் பற்றி நான் இப்படி விபரிப்பதை நீங்கள் கேலி செய்யக்கூடாது.

வீட்டைவிட்டு வெளியேற நான் தொடங்க, என் வழியின் குறுக்காக ஒரு கருப்பு நிறப் பூனையொன்று வந்து என்னையே பார்த்து நிற்கிறது. நான் மூடநம்பிக்கைகளை நம்புவனல்லன், ஆனாலும், அவளின் பார்வை என்னை நோக்கியே நீடித்தது. நானும் தயக்கமில்லாமல் என் பயணத்தை தொடர எண்ணினேன். அதனால், அவள் என்னைக் கண்டு பயப்பட்டிருக்க வேண்டும்.

தொடர்ந்து படிக்க…

மழைபெய்யும் நள்ளிரவில் நான்

இப்போதெல்லாம் மாறி மாறி பருவ காலங்கள் வருவதெல்லாம் என்னால் அதிகமாகவே உணரக்கூடியதாக இருக்கிறது. ஒரு வருடத்தில் பருவங்கள் நான்கு முறை மாறும் அழகு அனுபவிக்கப்பட வேண்டியது. இப்போது நள்ளிரவாகிறது, மெல்லிய தூறலாய் மழை பொழிகிறது.

கடந்த வருடம், மாலை நேரமொன்றில் திடீரென யாருமே எதிர்பார்க்காத நேரத்தில் பனி பொழிந்த சம்பவம் எனக்கு நன்றாக ஞாபகமிருக்கிறது. எவ்வளவுதான் தொழில்நுட்பங்கள் வளர்ச்சி கண்டபோதிலும், இயற்கையின் மனதை அப்படியே வாசித்துவிட முடிவதில்லை. பெண்களின் மனதை புரிந்து கொள்ளவே முடியாது என்று சொல்வார்கள். அதனாலோ என்னவோ, பூமியையும் பூமாதேவி என்கிறார்கள்.

தொடர்ந்து படிக்க…

ஐந்து பேரும் ஒளவையாரும்

திட்டமிட்டுச் செய்யும் செயற்பாடுகள் யாவும் திட்டமிடப்பட்டது போலவே நடந்தேறுவது அரிதான விடயம் தான். திட்டமிடப்படாமலே வாழ்க்கைக்குச் சேரும் சம்பவங்கள், அனுபவங்கள் எல்லாம் விட்டுச் செல்லும் தடங்கள் கொஞ்ச நஞ்சமல்ல. அவை யாவும் ரசிக்கப்பட வேண்டியவை. பலவேளைகளில் அவையே வாழ்க்கைக்கு அர்த்தம் சேர்க்கின்றன.

“நினைத்ததெல்லாம் நடந்து விட்டால், தெய்வம் ஏதுமில்லை” என்ற பாடல் வரி கூட, திட்டமிடலில் ஏற்படக்கூடிய தவிர்க்க முடியாத நிலையைச் சொல்லி நிற்கிறது.

தொடர்ந்து படிக்க…

அழியும் உலகமும் அழியாத ஆசைகளும்

அற்புதமாக வாழ்க்கையை வாழ்வது எப்படி என்று சொல்லித்தரும் ‘வர்த்தகர்களை’ நீங்கள் பார்த்திருக்கக்கூடும். வாழ்க்கை அந்தளவுக்கு சொல்லிக் கொடுத்துப் புரியக்கூடிய விடயமா? அப்படியானால், வாழும் முறைகளைச் சொல்லிக் கொடுத்துவிட்டால் அனைவருக்கும் அற்புதமான வாழ்க்கைதான் கிடைத்து விடுமா? கேள்விகள் பல எனக்குள் நேற்று எழுந்தது.

வாழ்க்கையை அற்புதமாக பலரும் காண்பது அவர்களின் சமூக கலாசாரச் சூழலுக்கமைய வேறுபடும். வெறும் கோதுமைக் களியை மட்டும் ஆகாரமாகக் கொண்டு, உலகின் மொத்த சந்தோசத்தையும் தன் மனம், மனை என எல்லாவற்றிலும் கொண்டிருக்கும் மனிதர்களை நான் கண்டிருக்கிறேன்.

தொடர்ந்து படிக்க…

மெழுகுவர்த்தியில் எனக்கு உடன்பாடில்லை

அன்றொரு நாள் மாலை வேளை, எனது நண்பனொருவனுடன் கதைத்துக் கொண்டிருந்த போது யோசித்த விடயமொன்றை அண்மையில் Forbes சஞ்சிகை ஆய்வொன்று செய்து அதன் பெறுபேறுகளை வெளியிட்டிருந்தது.

புள்ளிவிபரங்கள் பல வேளைகளில், ஒரு விடயம் சம்மந்தமான தரவுகளை விபரமாகச் சொல்வதில் வெற்றி கண்டு கொள்கின்றன. “எவ்வளவு பணத்தை இந்தப் உலகத்திலுள்ள பணக்காரர்கள் வைத்திருக்கிறார்கள், அவர்களால், உலகத்தையே வாங்கி விடமுடியும் போல..” எனது நண்பன் பணம் பற்றி வியந்து கதைக்கத் தொடங்கினான்.

தொடர்ந்து படிக்க…

வீழாமலே இருக்க முடியுமா?

நிறைய விடயங்கள் பற்றிச் சொல்ல வேண்டுமென நினைத்தாலும், நமக்கான நம்முடைய தணிக்கைக் குணம் சிலவேளைகளில் பிடிவாதம் பிடித்துக் கொண்டுவிடுவது உண்மையே. தணிக்கை, பிடிவாதம் என்ற சொற்கள் போட்டு காமடி கீமடி பண்றேன் என்று மட்டும் யோசிக்காதீர்கள்.

நான்கு விடயங்களைப் பற்றி நமது வலைப்பதிவுலக நண்பர்கள் தமது கருத்துக்களை பதிந்து கொண்டு வருகிறார்கள். இன்று நிறத்தில் புதிய பதிவு எழுத வேண்டுமென ஆவலில் இருந்த எனக்கு இந்த விடயங்கள் பற்றி யாரும் அழைக்காமலேயே எழுதலாம் என்ற ஆர்வம் கிட்டியது.

தொடர்ந்து படிக்க…

அவள் சட்டையில் ஏன் அந்தப்புறமாக பொத்தான்?

அதுவொரு மாலைப்பொழுதாகவே இருக்க வேண்டும். எனது நண்பனொருவனை சந்தித்தேன். அவனிடம் பல விடயங்கள் தொடர்பாகக் கதைத்துக் கொண்டிருந்தேன்.

திடீரென அவனிடம் சில சம்பவங்கள் பற்றிக் கேள்விகள் சிலவற்றைக் கேட்கலானேன். அவனும் எதற்கும் தயார் என்ற நிலையில் சட்டு சட்டு என பதில் சொல்லிக் கொண்டேயிருந்தான்.

அப்போதுதான் நான், “அநேகமாக ஆண்கள் இடது கையிலும் பெண்கள் வலது கையிலும் மணிக்கூடு கட்டியிருப்பதைப் பார்த்திருக்கிறாயா?” என்று கேட்டேன்.

தொடர்ந்து படிக்க…

ஆமாங்க.. மொழிபெயர்ப்புக் கொண்டாட்டம்!!

திரைப்படங்கள் ஏற்படுத்தும் உணர்வுகளின் வெளிப்பாடு, சிலவேளைகளில் மிக வலிமையானதாக இருந்து விடுவதுண்டு. வலிமை என அவை உருவாவதற்கு அது சொல்லும் வலிகள் தான் காரணமாக அமைந்து விடுவது அழகு.

ஆனாலும், திரைப்படங்களின் உணர்வுபூர்வமான கட்டங்கள், நடிப்பு என்பனவற்றைப் பற்றி கதைப்பதற்கு எனக்கு உடன்பாடில்லை. அவை ரசிக்கப்பட வேண்டியவை என்று மட்டுமே என்னால் சொல்ல முடியும்.

மொழிகள் தான் நமக்கு பல வேளைகளில் உணர்வுகளை புரிந்து கொள்ள அச்சாணியாக அமைந்து கொள்கிறது. மெளனமும் ஒரு மொழி என்பதை நீங்கள் அறிவீர்கள்.

தொடர்ந்து படிக்க…